Petropavlda 19 jastaǵy boıjetkendi jeńil kólik qaǵyp ketti
PETROPAVL. QazAqparat – Petropavlda kóshe qıylysynda jeńil kólik 19 jastaǵy qyzdy soqty, dep habarlaıdy QazAqparat tilshisi.
Jol-kólik oqıǵasynyń beınejazbasy áleýmettik jelide tarady. Vıdeoda zardap shekken qyz asfalttyń ústinde jatyr. Kýágerlerdiń aıtýynsha, ol kóshe kesip ótpek bolyp júgire jónelgen.
Petropavl qalalyq polıtsııa basqarmasynyń málimetinshe, oqys oqıǵa búgin saǵat 10.50 mınýt ketkende bolǵan. «102» kanalyna Petropavldaǵy Internatsıonal-Jambyl kósheleriniń qıylysynda 2002 jyly týǵan qyzdy «Honda CR-V» markaly mashınanyń soqqandyǵy jaıynda habarlama túsedi.
Boıjetkenge alǵashqy medıtsınalyq kómek kórsetý úshin jedel járdem qyzmeti shaqyryldy. Zardap shegýshi oblys ortalyǵyndaǵy emdeý mekemeleriniń birine jetkizildi.
Qazirgi ýaqytta júrginshini soǵý faktisine baılanysty tergeý júrgizilip jatyr. Onyń nátıjesi boıynsha kináli tulǵaǵa ákimshilik quqyq buzýshylyq boıynsha materıal jınalady.
