Petropavlda 18 jastaǵy jigit «Sýlpak» saýda úıin tonamaqshy bolǵan
PETROPAVL. QazAqparat - Petropavlda jeke kúzet quramasynyń qyzmetkerleri «Sýlpak» saýda úıinde jasalmaqshy bolǵan urlyqtyń aldyn aldy, dep habarlady SQO ІІD baspasóz qyzmetine silteme jasap «QazAqparat» HAA tilshisi.
«Tańǵy saǵat 4-te «Jedel kúzet» JShS-da kúzet dabyly iske qosyldy. «Sýlpak» saýda úıiniń terezesi synǵan. Kúzetshiler tórt mınýtta sol jerde bolǵan. Ol jerden sómkesinde buraýysh, pyshaq salynǵan jas jigit ustaldy», dedi baspasóz qyzmetinen.
Ol 18 jastaǵy qalalyq azamat bolyp shyqty. Ol buraýysh pen pyshaqty nege ustap júrgenin túsindirip bere almady.
Petropavl qalasy ІІB polıtsııasy birinshi bóliminiń bastyǵy Asylbek Toqtamysovtyń aıtýynsha, fakt «Urlyq» baby boıynsha biryńǵaı sotaldy tergeý tizilimine engizildi. Qylmystyq is aıasynda zań buzýshylyqtyń mán-jaıy anyqtalady. Sanktsııa 3 myń AEK aıyppuldy nemese sol kólemde túzeý jumystaryn ne 5 jylǵa deıin bas bostandyǵynan shekteýdi kózdeıdi.
Kún saıyn qalany jeke kúzet uıymdary jedel den qoıý tobynyń 7 ekıpajy torýyldaıdy.
Polıtsııamen ózara árekettestik aıasynda jyl basynan bastap 345 adam ustalyp, ishki ister organdaryna jetkizilgen. 350 ákimshilik quqyq buzýshylyq anyqtalyp, kúzetiletin nysandarda 16 urlyqtyń aldy alyndy. Jyl basynan bastap kúzet quramasynyń kómegimen 17 qylmystyń beti ashyldy.
