Petropavlda 17 jyl buryn kisi óltirip, Reseıge qashqan qylmysker ustaldy
ASTANA. QazAqparat - Soltústik Qazaqstan oblystyq ІІD-niń qyzmetkerleri 17 jyl buryn izdeý jarııalanǵan adamdy qolǵa túsirdi, dep habarlaıdy QazAqparat tilshisi vedomstvonyń baspasóz qyzmetine silteme jasap.
«SQO ІІD qyzmetkerleri Sankt-Peterbýrg qalasyna issaparmen baryp, Petropavlda 2001 jyly qylmys jasaǵan adamdy ustady. Osy ýaqyt aralyǵynda kúdikti reseılik bıliktiń kózine túspeı júrgen. QR men RF quqyq qorǵaýshylarynyń birlesken jumysynyń arqasynda ol tutqyndaldy», - delingen habarlamada.
Qazirgi ýaqytta ustalǵan adamdy Qazaqstan Respýblıkasyna ekstradatsııalaý jumys júrgizilip jatyr. Ol QR QK-niń 99-baby boıynsha sot aldynda jaýap beredi. Kinási dáleldengen jaǵdaıda 15 jylǵa deıin bas bostandyǵynan aıyrylýy múmkin.
Quzyrly vedomstvonyń habarlaýynsha, jyl basynan beri 69 adamǵa izdeý jarııalanyp, onyń 59-y ustalǵan. Onyń 23-i aýyr jáne asa aýyr qylmys jasaǵandar bolyp otyr.
