Petropavlda 15 jasar mektep oqýshysy joǵalyp ketti
PETROPAVL. QazAqparat - Petropavl turǵyndary áleýmettik jelilerge 15 jasar qyzdyń joǵalǵany týraly aqparat taratty, dep habarlaıdy «QazAqparat» HAA tilshisi.
SQO ІІD baspasóz qyzmeti aqparatty rastady.
«Petropavl qalalyq ІІB-ge qaladaǵy mektepterdiń biriniń ákimshiligi eki kún buryn 15 jastaǵy Antonına Fılıppovanyń úıinen shyǵyp, qaıtyp oralmaǵanyn habarlaǵan. Derek boıynsha izdestirý isi qozǵaldy. Oqýshy qyzdyń anasynyń sózine qaraǵanda, olar jurtty dúrliktirmegen, sebebi ol buryn da uzaq ýaqytqa úıinen ketip te júrgen», - dep habarlady polıtsııa vedomstvosynyń baspasóz qyzmetinde.
Qazir polıtseıler qyzdyń barýy múmkin degen barlyq mekenjaılardy tekserýde.
Qyzdyń belgileri: dene bitimi ortasha, boıy 160-165 sm, shashy aqshyl sary, uzyndyǵy ortasha, kózi kógildir tústi. Papıýshony bar sur tústi kúrtke, qońyr tústi moıynoraǵysh, jeńi joq qara kóılek, qońyr tústi qysqy etik kıgen.
«Bul aqparat barlyq aýmaqtyq bólimshelerge jiberildi. Sondaı-aq, kompıýter klýbtary, kóńil kóterý oryndary tekserilýde», - dep aıtty Petropavl qalalyq ІІB bastyǵynyń orynbasary Asan Meıramov.
Polıtseıler osy is boıynsha qandaı da bir málimetten habardar azamattarǵa myna nómirge baılanysýlaryn suraıdy 102, 8(7152) 39-48-37, 39-48-07, 8-707-625-90-14, 8-707-724-42-91, 8-707-507-71-64.
