Petropavlda 15 jasar qyz bala ózine qol saldy

PETROPAVL. QazAqparat – Petropavlda 15 jasar qyz bala ózine qol saldy, dep habarlaıdy QazAqparat polisia.kz telegram kanalyna silteme jasap.

31 mamyr saǵat 15:15-te Petropavl qalasy PB-niń 102 jedel arnasyna Jambyl kóshesindegi 16 qabatty turǵyn úılerdiń biriniń tóbesinde qyz balanyń turǵany týraly habarlama túsedi.

Oqıǵa ornyna jetken jedel-tergeý tobynyń qyzmetkerleri 15 jastaǵy qyz balanyń qaıtys bolǵanyn anyqtaıdy. Aldyn ala boljam boıynsha jasóspirim kóp qabatty úıdiń shatyrynan sekirip, ózine-ózi qol salǵan.

Atalǵan fakti QR QK 105-baby boıynsha Sotqa deıingi tergep-tekserýlerdiń biryńǵaı tizilimine engizildi. Іstiń mán-jaıyn jan-jaqty zerdeleýge baǵyttalǵan tergeý áreketteri júrgizilip jatyr. Olardyń nátıjeleri boıynsha túpkilikti protsessýaldyq sheshim qabyldanady.