Petropavlda 15 jasar qyz kópqabatty úıden qulap ketti

PETROPAVL. KAZINFORM – Petropavlda ótken juma kúni kópqabatty úıdiń shatyrynan jasóspirim qyz qulap, aman qaldy. Alaıda jaǵdaıy aýyr. 

Soltústik Qazaqstan oblystyq polıtsııa departamenti baspasóz qyzmetiniń málimetinshe, oqys oqıǵa jaıynda 102 jedel arnasyna habarlama túsisimen-aq, polıtseıler oqıǵa ornyna jetti. Jaraqat alǵan qyz medıtsınalyq mekemege jetkizildi.

Qazirgi ýaqytta oqıǵanyń mán-jaıy anyqtalyp, tergeý amaldary júrip jatyr.

SQO Densaýlyq saqtaý basqarmasy baspasóz qyzmetiniń málimetinshe, jasóspirimniń jaǵdaıy birqalypty nashar, dárigerler balany dárimen uıqyǵa jiberdi. Ókpesine jasandy jeldetý apparaty qosylǵan. 

Bıikten qulaǵan kezde balanyń mıyna zaqym kelgen, sondaı-aq travmatıkalyq pnevmotoraks alǵan.