Petropavlda 15 jasar bozbala mopedimen júrginshini tonaǵan
PETROPAVL. QazAqparat – Petropavlda túnde júrginshiniń telefonyn tartyp alǵan kúdiktiler ustaldy, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, 8 qyrkúıek kúni saǵat 23.30 shamasynda belgisiz ekeý Petropavl turǵynynyń telefonyn tartyp alǵan.
Jábirlenýshiniń aıtýynsha, ol sol túni qonaqtan shyqqan eken. Jolda telefon soqpaqshy bolady.
Osy sátte belgisiz qylmysker onyń qolynan telefonyn julyp alyp, artynan kelip jetken mopedke minip kete barady.
Barlyǵy áp-sátte bolǵandyqtan, jábirlenýshi olardyń túrin kórip úlgermegen.
Biraq qylmys beınebaqylaý kameralaryna túsip qalǵan.
Ekinshi polıtsııa bóliminiń jedel ýákilderi urylardyń júrgen jolyn tekserdi. Nátıjesinde kúdiktiler tez arada anyqtaldy.
Olar 18 jáne 15 jastaǵy eki qala turǵyny bolyp shyqty. Urlanǵan zat tárkilenip, ıesine tabystaldy.
Atalǵan fakti QR Qylmystyq kodeksiniń «Tonaý» baby boıynsha sotqa deıingi tergep-tekserýlerdiń biryńǵaı tizilimine engizildi. Urlanǵan zat alyndy.
«Moped ıesi, kámeletke tolmaǵan kúdikti buryn qylmystyq jaýapkershilikke tartylǵan. Qazirgi kezde Petropavl qalalyq polıtsııa basqarmasynyń ıývenaldyq polıtseıleri jasóspirimdi arnaıy bilim berý mekemesine ornalastyrý máselesin sheship jatyr», - deıdi ekinshi polıtsııa bóliminiń bastyǵy Rýslan Syzdyqov.
Beınebaqylaý kamerasy – polıtseılerdiń senimdi quralyna aınalǵan.
Jyl basynan Petropavlda onyń kómegimen 12 myńnan astam ákimshilik quqyq buzýshylyq anyqtaldy, onyń 10 myńǵa jýyǵy jol júrisi erejelerin buzýǵa qatysty, sondaı-aq qylmystardy ashýǵa yqpal etken 128 fakti anyqtaldy.
