Petropavlda 15 jańa avtobýs jolǵa shyqty

PETROPAVL. QazAqparat - Petropavl qalasynda avtobýs parki jańartyldy, dep habarlaıdy «QazAqparat» tilshisi.

Qala ákimdigi baspasóz qyzmetiniń málimetinshe, baǵdarǵa 15 jańa avtobýs shyqty. Petropavl avtobýs parkin kezeń-kezeńmen jańartýǵa ótken jyldyń sońynda kirisken. Áýeli Petropavl-Beskól baǵytyndaǵy 101-shi baǵdar jańartylǵan.

«Oblys ákiminiń tapsyrmasyn oryndaý maqsatynda «Partner-Avto» JShS kólik parki tolyqtyryldy. Mashınalardyń barlyǵy sý jańa. Іshi jaıly, keń. Avtobýstar qosymsha peshtermen jabdyqtalǵan. Endi ishi áldeqaıda jyly bolady», - dep baıandady qala ákiminiń orynbasary Qaırolla Ǵaleev.

Kelesi jyly tasymaldaýshylar taǵy 26 avtobýs ákelmek.

«SQO Avtokólik odaǵy» Qaýymdastyǵynyń tóraıymy Galına Semenova qoǵamdyq kólikpen júrý tarıfi qymbattamaıtynyn aıtty.

«Tarıfter ózgerissiz qalady. Búginde ol eresekter úshin - 60 teńge, balalar úshin - 40 teńge. Tasymaldaýshylardyń ortaq sheshimimen jeńildik jolaqy bıletteriniń merzimi 2019 jyldyń birinshi toqsanyna deıin uzartylady», - dep atap ótti G.Semenova.

Petropavl qalasynyń marshrýttaryna kún saıyn 300-ge jýyq avtobýs shyǵyp otyrady.



Avtor: Olesıa Jýkoven