Petropavlda 12 jasar bala sýǵa ketti
PETROPAVL. QazAqparat – Petropavlda ata-anasynyń qaraýynsyz ózenge shomylýǵa barǵan bala sóz jumdy, dep habarlaıdy QazAqparat tilshisi.
Soltústik Qazaqstan oblysy Tótenshe jaǵdaılar departamenti baspasóz qyzmetiniń málimetinshe, oqıǵa búgin saǵat 16.00 shamasynda bolǵan. Petropavldaǵy 20-yqshamaýdany mańynan aǵatyn Esil ózenine shomylýǵa barǵan 2009 jyly týǵan jasóspirim sýǵa ketti.
Bala ózenge úlkenderdiń qaraýynsyz kelgen.
Ony qutqarý múmkin bolmady. Jasóspirimniń denesin jedel-qutqarý otrıadynyń mamandary sýdan alyp shyqty. Qazir oqıǵanyń mán-jaıy anyqtalyp jatyr.
SQO-da jyl basynan beri sýda osymen 19-shy adam qaza tapty. Mert bolǵandardyń beseýi – bala. Byltyr sýǵa 9 adam ketse, onyń bireýi bala bolatyn.
