Petropavlda 11 jasar bala saýsaǵynan aıyryla jazdady
PETROPAVL. QazAqparat – Petropavlda 11 jasar bala saýsaǵyna oıynshyq pyshaqtyń shyǵyryn kıgizip, saldarynan qutqarýshylardyń kómegine júginýge týra keldi, dep habarlaıdy QazAqparat tilshisi.
Soltústik Qazaqstan oblysy Tótenshe jaǵdaılar departamenti baspasóz qyzmetiniń málimetinshe, 28 maýsym kúni saǵat 21.54 mınýtte jedel áreket etý ortalyǵyna kómek suraǵan ata-ana habarlasqan.
Olardyń aıtýynsha, 2009 jyly týǵan balalary oınap otyryp, oń qolynyń ortańǵy saýsaǵyna oıynshyq pyshaqtyń shyǵyryn kıgizgen. Biraq keıin temir dóńgelekti óz betimen sheshe almaǵan. Kómektespek bolǵan eresekterdiń de áreketinen birneshe saǵat boıy túk shyqpaǵan. Balanyń saýsaǵy ise bastaǵasyn ata-ana qutqarý qyzmetiniń «112» telefon nómirine habarlasyp, mamandarǵa júgindi.
Petropavldaǵy Jumysshy kentiniń Pýgachev kóshesindegi jeke úıde qutqarýshylardy ábirjigen ata-ana qarsy aldy.
«Saýsaqty temir shyǵyrdan bosatý operatsııasy birneshe mınýtty ǵana alǵanymen, ony ońaı jumys dep aıtýǵa kelmeıdi. Saýsaq isip ketken eken. Jaralap almaý úshin dóńgelek pen saýsaqtyń arasyna metall tilimshe kirgizdik. Tek sodan keıin ǵana burankeskishpen abaılap shyǵyrdy kesip aldyq», - deıdi qutqarý bólimshesiniń jetekshisi Vıktor Derjanskıı.
