Petropavlda 100 aýlaǵa asfalt tóseledi
PETROPAVL. QazAqparat - Bıylǵy jyly Petropavlda 100 kireberis aýlaǵa jóndeý jumystaryn júrgizý jasparlanyp otyr, dep habarlaıdy «QazAqparat» HAA tilshisi óńirlik kommýnıkatsııalar qyzmetine silteme jasap.
Petropavl ákimdigi avtomobıl joldary sektory orynbasarynyń mindetin atqarýshy Aman Raqymjanovtyń aıtýynsha, joldarǵa asfalt tóseýge 300 mln teńge bólindi.
«2017 jyly shamamen 100 kireberis aýlaǵa jóndeý jumystaryn júrgizý josparlanyp otyr. Qazirgi ýaqytta jóndeý jumystary júrgiziletin 97 aýla anyqtaldy. Búgingi tańda 46,3 myń sharshy metrdi qamtıtyn 65 aýlanyń jóndeý jumystary aıaqtaldy», - dedi Aman Raqymjanov.
Qala boıynsha jolyn jóndeýdi qajet etetin barlyǵy 400 aýla bar. Byltyrǵy jyly - 107, 2015 jyly nebári 8 aýlaǵa jóndeý jumystary júrgizilgen.
Bıylǵy jyly qalanyń 7,3 km-ge sozylatyn 8 kóshesine ortasha jóndeý jumystaryn júrgizý josparlanyp otyr. Trotýarlar qondyrýǵa 70 mln teńge bólindi.
