Petropavlda 10 jasar qyzdy kólik qaqty
PETROPAVL. QazAqparat – Petropavlda jaıaý júrginshi ótkelinde 10 jasar qyzdy kólik qaqty, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, oqıǵa búgin Petropavldaǵy J.Qızatov kóshesinde saǵat 11.40 mınýt shamasynda bolǵan. «Opel Frontera» kóliginiń 43 jastaǵy júrgizýshisi jaıaý júrginshi ótkelinen ótip bara jatqan 2010 jyly týǵan qyzdy qaǵyp ketken.
Oqıǵa ornyna jedel járdem kóligi shaqyrtylyp, zardap shekken jasóspirim oblys ortalyǵyndaǵy emdeý mekemesiniń birine jetkizildi.
Kólik júrgizýshisi – Petropavl turǵyny medıtsınalyq kýálandyrýdan ótýge jiberildi. Onyń kóligi aıyp turaǵyna qoıyldy.
Jol-kólik oqıǵasy boıynsha materıal jınalyp, protsessýaldyq sheshim qabyldaý úshin Petropavl qalalyq polıtsııa basqarmasynyń ákimshilik polıtsııa bólimine berildi.
