Petropavlda 10 jasar balany tonap ketti
PETROPAVL. QazAqparat - On jasar balany óz úıiniń kireberisinde tonap ketti, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, qylmysker balanyń uıaly telefonyn tartyp alyp, izin jasyrǵan.
«Balanyń ájesi tez arada «102» nómirine habarlasady. Jol-patrýldik polıtsııasynyń qyzmetkerleri men shuǵyl basqarý ortalyǵynyń vıdeobaqylaý operatorlary qylmys bolǵan aýmaqty jyldam súzip shyqty. Kúdikti ustaldy. Ol Qyzyljar aýdanynyń turǵyny eken. Urlanǵan zat qaıtaryldy. Tonaý bolǵan ýaqyttan qylmysker ustalǵanǵa deıin arada nebary 15 mınýt ótti», - deıdi baspasóz qyzmetindegiler.
«Tonaý» qylmystyq baby boıynsha beriletin jaza - 4 jylǵa deıin bas bostandyǵynan aıyrý.
«Qylmystyń az ýaqytta ashylýyna jábirlenýshi taraptyń jyldam ishki ister organdaryna habarlasýy yqpal etti», - dep atap ótti Petropavl ІІB basshysy Jandos Muhatov.
Jyl basynan beri patrýldik polıtseıler 535 qylmysty ashqan.
