Petropavlda 1 sáýirden bastap shekteý sharalary engiziledi

PETROPAVL. QazAqparat – Petropavlda 1 sáýir túngi saǵat 00.00-den bastap shekteý sharalary qolǵa alynady. Bul jaıynda óńir basshysy Qumar Aqsaqalov málimdedi, dep habarlaıdy QazAqparat tilshisi.

Petropavldyń aınalasynda negizgi baǵyttar boıynsha blokbeketter qoıylady. Olardyń sany toǵyzǵa jetpek.

«Halyq tek asa qajet jaǵdaıda ǵana kirip-shyǵa alady. Qujattardy tekserýden basqa saýalnama alynady. Sanıtarlyq, veterınarlyq baqylaý júrgiziledi. Blokbeketterdi qoıýdaǵy maqsat – beısaýat júrýshilerge shekteý salý. Qajet jaǵdaıda, jumys boıynsha nemese aýrýhanaǵa barý úshin ǵana kirip-shyǵa alady», - ded» Qumar Aqsaqalov.

Oblys aýdandarynda da sanıtarlyq beketterdiń jumysy kúsheıtiledi. ıAǵnı óńir turǵyny naqty qajettilik bolǵan jaǵdaıda ǵana aýdan shekarasynan óte alady. Toı-tomalaqqa jınalǵandarǵa jol jabyq.

Petropavl halyqaralyq áýejaıy búginnen bastap jabyldy. Temirjol vokzaly da jumys istemeıdi. Bıletterdi satý toqtatylady. Tek 27 naýryzǵa deıin bılet satyp alǵandar ǵana joldarynan qalmaıdy.

«Buǵan deıin usynys bolsa, endi tótenshe jaǵdaı talabyn oryndaýymyz qajet. Bul tártip bárine ortaq, ony saqtaýǵa mindettimiz. Polıtsııa bul talaptardyń tıisti deńgeıde oryndalýyn qadaǵalaıtyn bolady. Adam kóp shoǵyrlanǵan oryndarda bolý arqyly siz óz basyńyzdy, týǵan-týystaryńyzdyń densaýlyǵy men ómirin qaýipke tigetinińizdi umytpańyz», - dedi óńir basshysy.