Petropavlda 1 maýsym kúni balalar qoǵamdyq kólikte tegin júredi

PETROPAVL. QazAqparat – Petropavlda Halyqaralyq balalardy qorǵaý kúnine oraı 1 maýsym kúni 18 jasqa deıingi balalar qoǵamdyq kólikte tegin júrmek, dep habarlaıdy QazAqparat tilshisi.

Bul jaıynda Petropavl qalalyq ákimdigi habarlady. Jalpy bul kúni balalarǵa arnalǵan aýqymdy merekelik baǵdarlama josparlanǵan.

Іs-shara, baspasóz qyzmetiniń habarlaýynsha, saǵat 13.00-de bastalady.

Máselen, ortalyq alańda «Balǵyn balalar - bizdiń bolashaǵymyz!» atty kontserttik baǵdarlama, shahmat týrnıri, «Summer dance» atty qala mektepteriniń shyǵarmashylyq toptarynyń qatysýymen zamanaýı bılerdiń festıvali ótpek.

Al balalar men jasóspirimderdiń shyǵarmashylyǵy ortalyǵy aldyndaǵy alańda balalar asfaltta sýret salýdan jarysyp, robototehnıkadan sheberlik saǵatyna qatysa alady.

Soltústik Qazaqstan oblysynyń tótenshe jaǵdaılar departamenti «Meniń qaýipsizdigim óz qolymda» atty arnaıy baǵdarlama usynbaq.

Órt sóndirýshiler balalarmen túrli vıktorınalyq oıyndar oınap, estafeta jáne án baıqaýyn uıymdastyrmaq.

Maqsat – jazǵy demalys aldynda balalardyń esine órt qaýipsizdigi erejelerin eske salý.

Oqýshylar saraıynda «Balalar ǵylym áleminde» atty ǵylymı festıval ótpek.

«Dınamo» stadıonynda «Bir aspan – bir álem» atty ushý apparattarynyń oblystyq baıqaýy ótedi.

Tuńǵysh Prezıdent saıabaǵynda jasóspirimder arasynda shaǵyn fýtboldan týrnır, bard ánderiniń festıvali, sporttyq estafetalar jsoparlanǵan.

Oblystyq tarıhı-ólketaný mýzeıiniń art-ortalyǵynda, Jeńis saıabaǵynda da merekelik baǵdarlama josparlanǵan.