Petropavl jylý ortalyǵyndaǵy apat: Joǵalǵan jumysshy áli tabylmady

PETROPAVL. QazAqparat – Soltústik Qazaqstan oblysynyń prokýratýrasy Petropavl turǵyndaryn jylý-elektr ortalyǵynyń bir murjasy jartylaı qulaýy faktisi boıynsha tekserilmegen aqparatqa senbeýge shaqyrdy, dep habarlaıdy QazAqparat tilshisi.

Prokýratýra aqparatyna qaraǵanda, bir jumysshy – mashınıst-qaraýshyny izdestirý is-sharalary jalǵasyp jatyr. Ol úıindi astynda qalyp qoıýy múmkin.

«Qoldanystaǵy qazandyq agregatorlar isten shyqpaǵan. Sonymen qatar, turǵyndarǵa jylý energııasyn úzdiksiz berý úshin rezerv qazandyqtar iske qosyldy. Sondyqtan jylý energııasy shtattyq rejımde berilip jatyr. Shyndyqqa janaspaıtyn aqparattardyń taraýy jıilep ketýine baılanysty tek resmı málimetterge ǵana senýge shaqyramyz», - delingen prokýratýra habarlamasynda.

Eske sala keteıik, Petropavlda jylý elektr ortalyǵynyń bir murjasy qulady.

Ortalyqtaǵy apatqa baılanysta qylmystyq is qozǵaldy.

Jumysshylardyń bireýi tabylmaı jatyr.

JEO-daǵy tútin murjasynyń jartylaı qulaýyna baılanysty oblys ákimi jedel shtab qurdy.

Osy oqıǵa boıynsha Prezıdent oblys ortalyǵy men basqa da eldi mekenderdiń turǵyndaryn tez arada jylýmen qamtamasyz etýdi tapsyrdy.