Petropavl Jylý elektr ortalyǵynyń jumysshysy alǵan jaraqatynan qaza boldy
PETROPAVL. QazAqparat – Petropavlda 2-inshi Jylý elektr ortalyǵynda jaraqat alǵan 21 jastaǵy jumysshy qaza boldy, dep habarlaıdy QazAqparat Rolisia.kz-ke silteme jasap.
Petropavl qalasy Polıtsııa basqarmasynyń birinshi polıtsııa bóliminiń óndirisinde QR Qylmystyq kodeksiniń 156-baby 2-bóligi boıynsha sotqa deıingi tergeý materıaldary bar.
Sotqa deıingi tergeý barysynda anyqtalǵandaı, 5 qarasha kúni Petropavldyń JEO-2 aýmaǵynda jumys ornynda bolǵan 21 jastaǵy monolıtshi óndiristik jaraqat aldy. Er adam medıtsınalyq mekemege jatqyzyldy. Ol 7 qarasha kúni alǵan jaraqattarynan kóz jumdy.
Sol kúni atalǵan qylmystyq is QR Qylmystyq kodeksiniń 156-baby 3-bóligine aýystyryldy.
Qazirgi ýaqytta istiń mán-jaıyn zertteýge baǵyttalǵan tergeý áreketteri júrgizilip jatyr. Olardyń nátıjeleri boıynsha túpkilikti protsestik sheshim qabyldanatyn bolady», - delingen polıtsııa habarlamasynda.
Málim etilgendeı, tergeý barysynda óndiristegi qaýipsizdik talaptarynyń saqtalýyna jaýapty tulǵalardyń kinási aıqyndalatyn bolady.
Foto: t.me/POLICE_of_KZ
