Petropavl jylý elektr ortalyǵyndaǵy jumysshy óliminiń mán-jaıy belgili boldy
PETROPAVL. QazAqparat – Petropavldaǵy №2 jylý-elektr ortalyǵynda jaraqat alyp, qaza tapqan jumysshy kásiporynda merdiger kompanııanyń quramynda qurylys jumystarymen aınalysqan, dep habarlaıdy QazAqparat tilshisi.
«SevKazEnergo» AQ baspasóz qyzmetiniń málimetinshe, qaza tapqan jumysshy «Stroıtelnyı Tsentr Arsenal» JShS-niń jumysshysy. Bul kompanııa Petropavldaǵy 2-Jylý-elektr ortalyǵynda merdiger retinde qurylys jumystaryn atqaryp jatyr.
«Barlyq jumysshylar iske kirispes buryn qaýipsizdik tehnıkasy boıynsha nusqamadan ótti.
5 qarasha kúni bizdiń brıgada tútin tartatyn nysannyń shatyryn qalpyna keltirip jatty.
Merdiger uıymnyń qyzmetkeri bizge beımálim sebeppen jumys ornynda emes, № 3 qazandyq agregatynyń tútin joly mańynda bolǵan.
Sol jerde úıilip turǵan temir konstrýktsııa qulap ketip, 22 jastaǵy jumysshy jaraqat aldy.
Oqıǵa ornyna jetken jedel járdem qyzmeti jaraqattanǵan er adamdy qalalyq aýrýhanaǵa jetkizdi, sol jerde ol keıin qatys boldy. Jazataıym oqıǵa barlyq tıisti memlekettik organdarǵa habarlandy», - dedi oqıǵaǵa qatysty túsinik bergen «Stroıtelnyı Tsentr Arsenal» JShS dırektory Vsevolod Sysolıatın.
«SevKazEnergo» AQ qaıtys bolǵan jigittiń týǵan-týystaryna qaıǵyryp kóńil bildirdi.
Esterińizge salaıyq, keshe osy faktini Soltústik Qazaqstan oblysynyń polıtsııa departamenti rastaǵan edi.
Jumysshynyń qaıtys bolýyna baılanysty QR QK 156-baby 3-bóligi boıynsha qylmystyq is qozǵaldy.
Qazirgi ýaqytta istiń mán-jaıyn zertteýge baǵyttalǵan tergeý áreketteri júrgizilýde, olardyń nátıjeleri boıynsha túpkilikti protsestik sheshim qabyldanbaq.
Sondaı-aq jumysty oryndaý kezinde óndiristik qaýipsizdik talaptaryn saqtaý boıynsha jaýapty tulǵalardyń kinási de aıqyndalmaq.
