Petropavl jylý elektr ortalyǵyndaǵy apatqa ne sebep bolǵany anyqtaldy

PETROPAVL. QazAqparat - Petropavldaǵy ekinshi jylý elektr ortalyǵynyń tútin murjasynyń qulaýyna ne sebep bolǵany anyqtaldy, dep habarlaıdy QazAqparat.

QR Energetıka mınıstrligi belgilegen tehnologııalyq buzýshylyqty tekserý komıssııasynyń aldyn ala málimeti boıynsha, murjanyń qulaýyna tútin murjasyndaǵy tútin gazdarynyń mınımaldy temperatýrasyna sáıkes kelmeıtin bý qazandyqtarynyń jumys rejımderiniń buzylýy sebep bolǵan.

Murjanyń boıyndaǵy shyǵatyn gaz temperatýrasynyń tómendeý faktory «shyq núktesiniń» shyǵýyna jáne murjanyń ishki betinde sý kondensatynyń paıda bolýyna, al kondensat qazandyqtan shyǵatyn gazdyń basqa qospalarymen (kúkirt qyshqyly SO2) qosylyp, qyshqylǵa aınalǵany bolýy múmkin.

Qyshqyldyń áseri betonnyń merziminen buryn jáne tútin murjasynyń negiziniń buzylýyna alyp keldi.

№1 tútin murjasynyń tehnıkalyq jaǵdaıyn anyqtaý úshin jáne qazandyqtardyń paıdalaný rejımin, onyń ishinde shyǵatyn gazdyń temperatýrasyn saqtaý boıynsha saraptama júrgizý belgilendi.

Tehnologııalyq buzýshylyqty tekserý komıssııasynyń jumysy budan ári jalǵasady.

Eske sala keteıik, 20 naýryzda Petropavlda jylý-elektr ortalyǵynyń bir murjasy jartylaı qulady.

Sondaı-aq, Prezıdent turǵyndardy tez arada jylýmen qamtýdy tapsyrdy.

Araǵa bir apta salyp atalǵan jylý ortalyǵynda taǵy da apat boldy.

Keıin «SevKazEnergo» AQ jaǵdaıdyń turaqtalyp kele jatqanyn habarlady.