Petropavl JEO jumysshysyn úıindi astynan izdeý jumystary erteń jalǵasady
PETROPAVL. QazAqparat – Petropavl jylý-elektr ortalyǵy jumysshysyn izdeý jumystary saǵat búgin 21.00 -de toqtatyldy, ázirge nátıjesiz, dep habarlaıdy QazAqparat tilshisi.
Petropavldaǵy jylý ortalyǵynyń murjasy qulaǵan kezde úıindi astynda qalǵan mashınıst-qaraýshy áli tabylǵan joq. Soltústik Qazaqstan oblysy ákimi baspasóz qyzmetiniń málimetinshe, 38 jastaǵy áıeldi izdestirý jumystary erteń saǵat 8- 00-de qaıta jalǵasatyn boldy. Ázirge nátıje joq.
«Qazirgi ýaqytta jylý ortalyǵynda 4 qazandyq agregaty jumys istep tur. Jylýmen qamtý kórsetkishteri qalpyna kelip jatyr», - dedi oblys ákiminiń baspasóz hatshysy Tımýr Ábdireshov.
Buǵan deıin tótenshe jaǵdaılar departamentiniń bastyǵy Ramıl Kamalov qutqarýshylardyń úıindilerdi qolmen qoparyp jatqanyn aıtqan edi. Qutqarýshylar qurylymdar qulaıtyn bolǵandyqtan ınjenerlik tehnıkany paıdalanyp jatqan joq. Úıindi astynda qalǵan áıeldi izdeýge kınologııalyq qyzmet te tartylǵan.
Esterińizge sala keteıik, 20 naýryz kúni Petropavldaǵy JEO-da úsh tútin murjasynyń biri opyrylyp qulady.
Óńirde jedel shtab qurylyp, tıisti sharalar qolǵa alyndy.
Prezıdent jaqyn arada oblys ortalyǵy turǵyn úılerine jylý berýdi qamtamasyz etýdi tapsyrdy.
Oblys ákimi 21 naýryz kúni keshke qaraı qalada jylý qalpyna keltiriletinine ýáde berdi.
Petropavldaǵy JEO-daǵy jaǵdaıǵa qatysty «OAEK» AQ Dırektorlar keńesiniń tóraǵasy da túsinikteme berdi.
