Petropavl JEO-2-de salynyp jatqan tútin murjasy qısaıyp qaldy
Qalada jańa tútin murjasy Pıza munarasyna uqsaıdy degen qaýeset rastaldy. «Sevkazenergo» AQ baspasóz qyzmeti qurylystyń toqtatylǵanyn habarlady.
«8 tamyzda»Sevkazenergo«AQ-nyń jańa tútin murjasyn salý barysynda oryndalatyn qurylys-montajdaý jumystarynyń sapasyn qadaǵalaıtyn jaýapty qyzmetkerleri murja ósiniń jobalyq erejeden aýytqyǵanyn anyqtady. Merdiger uıym - «Qazteplospetsstroı» JShS. Murjany salý jumystary dereý toqtatyldy. Obektini tekserý kezinde qubyr oqpanynyń qurylysy júrgizilip jatqan konýstyq jyljymaly qalypta ósinen qısaıýǵa áser etken aqaý tabylǵany anyqtaldy»,-dep túsindirdi baspasóz qyzmetinen.
Qubyrdyń qansha metrin bólshekteýge týra keletini jobalyq uıym júrgizetin esepteýden keıin belgili bolady. Sonymen qatar, qalypty bólshekteý jumystary júrgiziledi.
«Bıiktik belgisin anyqtaǵannan keıin bólshekteý jumystary oryndalady. Budan ári barlyq qaýipsizdik normalary men talaptaryn saqtaı otyryp, jańa qalyp salynady. Qubyr qurylysy boıynsha jumystar qysqa merzimde qaıta bastalady», - dep tolyqtyrdy baspasóz qyzmetinen.
Ótken jyldyń naýryz aıynda qulaǵan murjanyń ornyna salynyp jatqan jańa murjanyń bıiktigi 180 metr bolýy tıis. Onyń 30 metri ornatylǵan. Qurylys jumystary jyldyń sońynda aıaqtalyp, kelesi jyly iske qosylady dep shamalanǵan.
