Petropavl turǵynynan 70 kg marıhýana tárkilendi
PETROPAVL. QazAqparat - Soltústik Qazaqstan oblysynda polıtseıler «Arlan» arnaýly jasaǵymen birge arnaıy operatsııa júrgizdi, dep habarlaıdy QazAqparat tilshisi.
Polıtsııa departamenti baspasóz qyzmetiniń málimdeýinshe, reıd kezinde Petropavldyń 37 jastaǵy turǵyny ustalǵan. Ol taratý maqsatymen erekshe iri mólsherde esirtki zattaryn satyp aldy degen kúdikke ilikken. Tárkilengen marıhýananyń jalpy salmaǵy 70 kılogramnan asady.
«Kúdikti qazir qamaýda, QR Qylmystyq kodeksiniń 297-shi «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý» baby boıynsha tergeý júrip jatyr», - deıdi polıtseıler.
Osy bapqa sáıkes, oǵan 15 jylǵa deıingi merzimge bas bostandyǵynan aıyrý jazasyn berilýi múmkin.
Jyl basynan beri oblysta esirtkimen baılanysty 53 zań buzýshylyq isi ashylǵan. Jalpy 71 kg esirtki tárkilengen, sonyń 60 gramnan astamy - geroın.
Avtory: Olesıa Jýkoven
