Petropavl turǵynynan 6,5 keliden astam gashısh tárkilendi

Bul týraly búgin QR Іshki ister mınıstrliginiń resmı ókili Nurdildá Oraz málim etti.

«Soltústik Qazaqstan oblysy ІІD Esirtki bıznesine qarsy kúres basqarmasynyń qyzmetkerleri arnaıy operatsııa júrgizý kezinde Petropavl qalasynda 25 jastaǵy qala turǵynynan salmaǵy 6,5 keliden asatyn gashısh tárkiledi. Qazirgi ýaqytta kúdikti quryqtaldy, esirtki zatyn zańsyz saqtaý faktisine qatysty tergeý amaldary júrgizilýde», - dedi ol.

Resmı ókildiń atap ótýinshe, jedel-izdestirý sharalaryn júrgizý kezinde aqmolalyq polıtseıler Şýche qalasynda 29 jastaǵy jergilikti turǵyndy ustady. Ol esirtki zattaryn jasaýmen aınalysqan. Kúdiktini tekserý kezinde odan 3 gramm ekstraktsıondyq apıyn tabyldy. «Sondaı-aq esirtki zattaryn jasaý kezinde qoldanylatyn suıyqtyǵy bar polımer bótelkesi, ammıak salynatyn 5 bótelke, kóknár tuqymdary bar paket pen sirke sýy tárkilendi. Osy fakti boıynsha qylmystyq is qozǵalyp, kúdikti ýaqytsha oqshaýlaý abaqtysyna qamaýǵa alyndy», - dedi ol.