Petropavl turǵynyn kólik qaǵyp, aıaǵyn julyp áketti
PETROPAVL. QazAqparat - Petropavlda jaıaý júrginshiler jolymen ótip bara jatqan qala turǵynyn kólik qaǵyp ketti. Qatty soqqydan jas jigittiń aıaǵy julyndy, dep habarlaıdy QazAqparat tilshisi.
Kýágerlerdiń aıtýynsha, qaıǵyly jaǵdaı 3-emhanaǵa qarama-qarsy bette bolǵan. Júrgizýshi oqıǵa ornynan qashyp ketti.
Soltústik Qazaqstan oblystyq polıtsııa departamentiniń baspasóz qyzmeti jol apaty oryn alǵanyn rastady. Olardyń aıtýynsha, júrgizýshi kóp uzamaı ustalǵan.
«Qızatov kóshesinde jaıaý júrginshini qaǵyp, ózi qashyp ketken «Mitsubishi Montero Sport» kóliginiń 30 jastaǵy júrgizýshisi qolǵa tústi. Qazir tıisti tergeý sharalary júrgizilip jatyr. Medıtsınalyq kýálandyrý aktisine sáıkes, júrgizýshi mas bolǵan», - dep túsindirdi PD baspasóz qyzmeti.
Atalmysh jol-kólik oqıǵasy Qylmystyq kodekstiń 345-baby boıynsha Sotqa deıingi tergeýlerdiń biryńǵaı reestrine tirkeldi.
