Petropavl turǵyny úıinen 1 myńǵa jýyq patron taýyp aldy
PETROPAVL. QazAqparat – Petropavl turǵyny úıdiń qoımasyn qoparyp júrip 1 myńǵa jýyq oq-dári taýyp aldy, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, Petropavl turǵyny úıindegi qoımasyn aqtaryp júrip, myryshtan jasalǵan qorapty taýyp alǵan. Qoraptyń ishinde 5,45*49 kalıbrli 990 patron bolǵan. Er adam birden polıtseılerge habar bergen.
Turǵynnyń aıtýynsha, úıdi ol 14 jyl buryn satyp alǵan eken. Qoımasyn jınap, eski zattardy aqtarýǵa ýaqyty bolmaǵan.
Atalǵan fakti QR Qylmystyq kodeksiniń «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» baby boıynsha Sotqa deıingi tergep-tekserýlerdiń biryńǵaı tizilimine engizildi. Patrondar alynyp, saraptamaǵa jiberildi.
«Alynǵan zattar montajdaý nemese «qurylystyq» dep atalady. Osy patrondardyń oq-dárige jatar-jatpasyn saraptama kórsetedi. Petropavl turǵyny durys áreket etti. Qarýdy jáne oq-dárilerdi erikti tapsyrǵan kezde zańsyz saqtaǵany úshin ákimshilik jáne qylmystyq jaýapkershilikten bosatady», - deıdi ekinshi polıtsııa bólimi bastyǵynyń orynbasary Gúlmıra Saǵıtova.
