Petropavl turǵyny Tartyl Fest festıvalinde súıiktisine sóz saldy

PETROPAVL. QazAqparat – Petropavlda Tartyl Fest respýblıkalyq sport festıvaliniń qatysýshysy súıiktisine saıys barysynda sóz saldy, dep habarlaıdy QazAqparat tilshisi.

Tartyl Fest týrnıkke tartylýdan respýblıkalyq festıvali QR Prezıdenti janyndaǵy «Dara» talanttardy qoldaý qory» qoǵamdyq qorynyń qoldaýymen ótip jatyr. Petropavl qalasynda bul saıys memlekettik sımvoldar alańynda uıymdastyryldy. Oǵan qatysýǵa 400-den astam adam tirkelgen. Eń jas qatysýshy 7 jasta, eń egde qatysýshy 75-te.

Týrnır barysynda Nıkıta Oleınık esimdi qatysýshy súıiktisine úılený týraly usynys jasap, sóz saldy.

Óziniń aıtýynsha, Nıkıta Oleınıktiń strıtlıftıngten 60 keli salmaq sanaty boıynsha Álem chemıony ataǵy bar. Halyqaralyq deńgeıdegi sport sheberi Tartyl Fest saıysynda týrnıkke 42 ret tartyldy.

Aıta keteıik, Qostanaıdaǵy Tartyl Fest festıvalinde 51 jastaǵy qatysýshy rekordty jańartyp, týrnıkke 45 ret tartyldy.

Vıdeodan alynǵan kadr