Petropavl turǵyny tapa-tal túste meshittiń qurylys materıaldaryn urlady
PETROPAVL. QazAqparat - Petropavl qalasynyń turǵyny salynyp jatqan meshitten tapa-tal túste qurylys materıaldaryn urlaǵan, dep habarlaıdy QazAqparat.
Boı tasalamaı-aq ashyq túrde armatýralardy alyp ketken uryny jumysshylar alystan baıqaǵan.
SQO ІІD baspasóz qyzmetiniń aqparatyna súıensek, jaqyn mańdaǵy metall synyqtaryn qabyldaý ornyndaǵylar urynyń beınesin aýyzsha sıpattap bergen.
Sol aýdannyń qaltarystary men oı-shuńqyryn jaqsy biletin ýchaskelik polıtseıler Anatolıı Kolyvanov pen Nurlybek Kóbenov kúdiktiniń kim ekenin aýyzsha aıtylǵan bet-beınesinen-aq tanyǵan. Ol araqqa áýestigimen esepte turǵan 44 jastaǵy Petropavl qalasynyń turǵyny bolyp shyqty.
Habarlama túsken ýaqyttan keıin, kúdikti 10 mınýttyń ishinde ustaldy.
Qolǵa túsken kúdikti óz kinásyn moıyndady. Urlanǵan materıal ıesine qaıtaryldy. QR QK-niń 187-baby boıynsha qylmystyq is qozǵaldy. Endi oǵan 100 AEK kóleminde aıyppul salynady, nemese zań buzýshy 45 táýlikke qamalýy múmkin.
Foto: test.nucleart.hu
