Petropavl turǵyny ormannan qarý taýyp aldy
PETROPAVL. QazAqparat - Petropavl turǵyny ormanda aǵashtardyń túbinen qarý salynǵan qap taýyp aldy, dep habarlaıdy QazAqparat tilshisi.
Oblystyq ishki ister departamenti baspasóz qyzmeti ókilderiniń aıtýynsha, áıel polıtsııaǵa ákep tapsyrǵan qarý «TOZ-16» markaly karabın bolyp shyqqan. Qazir oǵan saraptama júrgizilip jatyr. Atap aıtqanda, respýblıka aýmaǵynda jasalǵan qylmystarǵa qatysy bar-joǵy tekserilýde.
«Tekserister aıaqtalǵan soń arnaýly komıssııa syıaqy tóleý týraly sheshim qabyldaıdy. Osy sııaqty ıir oıyqty qarýlarǵa eń kóp mólsherde syıaqy beriledi», - deıdi Petropavl ІІB ákimshilik polıtsııa bóliminiń bastyǵy Ásel Kokýshova.
Qarýdy óz erkimen ákep tapsyrý aktsııasy aıasynda soltústikqazaqstandyqtar 3,2 myńnan astam oq-dári jáne zańdy túrde tirkelmegen 27 qarýdy tapsyrǵan. Sonyń 4-eýi - ıir oıyqty myltyqtar. Komıssııa olarǵa jalpy 800 myń teńgeden astam syıaqy belgiledi.
