Petropavl turǵyny mektep aýlasynda ıtin serýendetkeni úshin jazalady
PETROPAVL. QazAqparat – Petropavl turǵyndary №10 mektep aýlasynda júrgen ıtterge shaǵym túsirdi. Turǵyndar polıtsııaǵa habarlasqan, dep habarlaıdy QazAqparat tilshisi.
Polıtsııa departamenti baspasóz qyzmetiniń aqparatynsha, qyraǵy turǵyndar 7-708-432-46-00 WhatsApp nómirine habarlama jazǵan.
«Tekserý barysynda ıtimen júrgen alty adam anyqtaldy. Jaqyn jerdegi úıler turǵyndary ıtterin qydyrtyp júrgen. Olardy tańerteń osy aýmaqta balalar júretindigi alańdatpaǵan. Ýchaskelik ınspektor ıtter men mysyqtardy ustaý jáne qydyrtý erejelerin buzǵany úshin ákimshilik hattama daıyndady. Profılaktıkalyq áńgime júrgizildi, ıtterdi bilim berý jáne medıtsınalyq mekemeler aýmaǵynda, stadıondarda, saıabaqtar men alańdarda qydyrtýǵa bolmaıtyny túsindirildi. Bul tek qana antısanıtarııa emes. Sonymen qatar qaýipsizdik. Turǵyndar ıtterdi tumyldyryqsyz qydyrtyp júrgen», - dedi qala polıtsııa basqarmasy basshysynyń birinshi orynbasary Álibek Ǵabdýllın.
Ol qazirgi kezde «102» mobıldi qosymshasynyń tıimdi baılanys quraly ekenin aıtty. Ol áleýmettik jeliler qyzmetterin usyna alady, polıtsııaǵa aýdıo-, foto- jáne vıdeofaıldardy jiberýge, kezekshimen vıdeoqońyraý arqyly sóılesýge múmkindik beredi. Árbir qaralý avtomatty túrde resmı tirkelip otyrady.
