Petropavl turǵyny kólikpen Esil ózenine túsip ketip, mert boldy
PETROPAVL. QazAqparat – Soltústik Qazaqstan oblysynda qutqarýshylar balyq aýlaýǵa shyǵyp, kólikpen sýǵa ketken er adamnyń denesin Esil ózeninen alyp shyqty, dep habarlaıdy QazAqparat tilshisi.
SQO tótenshe jaǵdaılar departamentiniń málimetinshe, oqys oqıǵa 22 sáýirde shamamen túngi saǵat 2.30-da bolǵan. Qyzyljar aýdany Qyzyl ıAr eldi mekeniniń mańyndaǵy Esil ózeninde balyq aýlaýǵa shyqqan eki er adam «Toyota surf» kóligimen Esil ózenine túsip ketti. Uıyqtamaq bolyp jatqan kezde balyqshylardyń dóńde turǵan mashınasy ózenge syrǵyp ketken. Kólik júrgizýshisi ózdiginen shyǵyp, aman qaldy, jolaýshysy mert boldy.
«Habar túsisimen-aq oqıǵa ornyna 5 adamnan turatyn qutqarý toby jiberildi. Súńgýirler saǵat tańǵy 6.00-den izdeý operatsııasyn bastady. Tek saǵat 11.00 shamasynda ǵana avtokólik jaǵalaýdan 30 metr jerden tabyldy.
Jergilikti atqarýshy organ ókilderiniń, polıtsııa qyzmetkerleriniń qatysýymen kólik sýdan shyǵarylǵan. Onyń ishinen jolaýshynyń máıiti tabyldy.
Qaza tapqan er adam 39 jasta, Petropavl turǵyny. Aldyn ala boljam boıynsha, olar balyq aýlaǵan. Spırttik ishimdik ishken. Sońy osylaısha qaıǵyly aıaqtaldy», - deıdi SQO TJD bólim bastyǵy Sáken Aǵzamov.
