Petropavl turǵyny qoldan jasalǵan qalamǵa uqsas tapanshany satpaq bolǵan
ASTANA. QazAqparat - Petropavl qalasynyń tártip saqshylary qalamǵa uqsas tapanshany satpaq bolǵan 34 jastaǵy turǵyndy qolǵa túsirdi, dep habarlaıdy «QazAqparat» HAA tilshisi.
Soltústik Qazaqstan oblysy ІІD uıymdasqan qylmysqa qarsy kúres basqarmasynyń qyzmetkerleri ustalǵan azamattyń «qalam-pıstoletti» oǵymen satpaq bolǵanyn anyqtady. Kúdiktiden eki oǵymen birge tapansha tárkilengennen keıin quqyq qorǵaýshylar qajetti tergeý amaldaryn qolǵa aldy.
«Mamannyń qorytyndysyna sáıkes qarý qoldan jasalǵan jáne ol atylady. Qarýdy zańsyz jasap ony ótkizbek bolǵany úshin kúdiktige QR QK 287-baby 3-bóligi boıynsha aıyp taǵyldy. Kinási dáleldense ol 5 jylǵa deıin bas bostandyǵynan aıyrylýy múmkin», - deıdi SQO ІІD UQQB bastyǵy Álıhan Baıqadamov.
