Petropavl turǵyny ınnovatsııalyq jylyjaı salyp jatyr
PETROPAVL. QazAqparat - Soltústik Qazaqstan oblysynyń turǵyny óziniń saıajaı ýchaskesinde kún bıovegetarıin saldy, dep habarlady «QazAqparat».
Bıovegetarııge aýa aǵyny júıesin basqaratyn kún batareıalaryn ornatady. Jylyjaıda jyly aýany tartatyn qubyrlar salynady. Olar ventılıatorlardyń kómegimen jyly aýany júıekterdiń astyna jetkizedi.
«Sý jylýdy shoǵyrlandyryp, qajet bolǵanda bóledi. Sondyqtan jylyjaı ishinde sýy bar bótelkeler kóp. Ol sonymen qatar ósimdikterdi tamshylap sýarý úshin paıdalanylady», - dedi Oleg Andrıýşenko.
Barlyq úderis avtomattandyrylǵan. Sý qubyry joq. Jaýyn sýy qoldanylady. Jańbyr sýy jınalýy úshin shaǵyn qazanshuńqyr jasalǵan. Oleg qysta sýarý úshin erigen sýdy paıdalanýdy kózdep otyr.
Jylyjaı shatyry polıkarbonattan jasalǵan. Ol kún shýaǵyn ótkizedi. Qys mezgilinde qazandyqpen qosymsha jylytý josparlanǵan.
Oleg Andrıýşenko bul tájirıbelik alań dep otyr. Onda kókónisterdi ósirý tehnologııasy jetildiriledi. Aldaǵy ýaqytta petropavldyq kásibı ekojylyjaı salyp, jyldyń ár mezgilinde ónim alýǵa nıetti. 
