Petropavl turǵyny garajynda 50 keliden astam esirtki saqtaǵan

PETROPAVL. QazAqparat – Petropavlda polıtseıler qala turǵynynyń garajynan asa iri kólemdi esirtki - 50 kg marıhýana taýyp, tárkiledi, dep habarlaıdy QazAqparat tilshisi.

Soltústik Qazaqstan oblystyq polıtsııa departamenti baspasóz qyzmetiniń málimetinshe, esirtki qylmysyna qarsy is-qımyl basqarmasyna Petropavl turǵynynyń esirtki saýdasymen aınalysatyny jóninde jedel aqparat túsedi.

Tártip saqshylary mekenjaı boıynsha shyǵyp, 31 jastaǵy oblys ortalyǵy turǵynynyń úıin, garajyn tekserdi. Qyzmettik ıttik kómegimen garajdan erekshe ıisti, ósimdik tektes zat salynǵan úsh qorap tabyldy. Sot-hımııalyq saraptama qorytyndysy boıynsha onyń keptirilgen marıhýana ekeni anyqtaldy. Tárkilengen esirtkiniń jalpy salmaǵy - 51 kg.

Qazirgi ýaqytta ustalǵan tergeý ızolıatorynda otyr. Osy derek boıynsha sotqa deıingi tergeý bastaldy. SQO Polıtsııa departamenti bastyǵynyń orynbasary Rýslan Nazarovtyń aıtýynsha, tıisti saraptamalar, istiń mán-jaıyn anyqtaıtyn tergeý amaldary júrgizilýde.

Jalpy, jyl basynan oblys aýmaǵynda esirtkige qatysty 111 qylmys tirkeldi. Zańsyz aınalymnan 173 keliden astam túrli esirtki zatty alyndy.