Petropavl turǵyny garajynan granata taýyp aldy
PETROPAVL. QazAqparat - Ol bul garajdy taıaýda ǵana satyp alǵan, dep habarlaıdy QazAqparat oblystyq polıtsııa departamentine silteme jasap.
61 jastaǵy Petropavl turǵyny satyp alǵan garajyn tazalap júrip, metall kastrıýlden granataǵa uqsas zat taýyp alǵan.
Qaýipti zat týraly «102» arnasyna qońyraý shalyp, polıtsııaǵa habarlaǵan.
Jarylǵysh zattarmen jumys isteıtin tehnık mamandar kelgenshe zeınetker zatty syrtqa alyp shyqqan.
Anyqtalǵandaı, tabylǵan zat F-1 oqý granatasy bolyp shyqty.
«Kúdikti zat taýyp alǵan jaǵdaıda, dereý polıtsııaǵa habarlaý kerek. Eshqashan qaýipti zatty ornynan jyljytýǵa tyryspańyz. Mundaı áreket qaıǵyly jaǵdaıǵa ákelýi múmkin ekenin este saqtańyz» dep eskertedi polıtsııadan.
Sondaı-aq, qarý men oq-dárini óz erkimen tapsyrý qylmystyq jáne ákimshilik jaýapkershilikten bosatady.
