Petropavl turǵyny ekstremıstik maǵynadaǵy materıaldardy saqtap, taratyp kelgen
PETROPAVL. QazAqparat – Petropavlda áleýmettik jeli arqyly ekstremıstik maǵynadaǵy materıaldardy saqtap, taratqan destrýktıvti dinı aǵymnyń ókili jazaǵa tartyldy, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, tártip saqshylary zań buzýshyny «VKontakte» áleýmettik jelisine monıtorıng júrgizý barysynda anyqtaǵan. Ol óz paraqshasyna eldi alaýyzdyqqa shaqyratyn dinı mazmundaǵy aýdıofaıldar men fotomaterıaldardy júktep, taratyp kelgen.
Jedel-izdestirý is-sharalaryn júrgizý barysynda jazbalardyń avtory anyqtaldy. Petropavldyń 33 jastaǵy turǵyny buryn sottalmaǵan. Áıel destrýktıvti dinı aǵymdardyń birin ustanady.
«Buqaralyq aqparat quraldarynyń ónimin, sol sııaqty ózge de ónimdi Qazaqstan Respýblıkasynyń aýmaǵynda daıyndaý, saqtaý, ákelý, tasymaldaý, taratý» baby boıynsha oǵan qatysty materıal jınastyryldy. Tirkelgen kontent QR Aqparat jáne qoǵamdyq damý mınıstrliginiń Din isteri jónindegi komıtetine dintaný saraptamasyna jiberildi. Sarapshylardyń qorytyndysy boıynsha materıaldar ekstremıstik bolyp tabylady jáne olardy el aýmaǵynda taratý men saqtaýǵa tyıym salynǵan.
8 qyrkúıek kúni Petropavl qalalyq mamandandyrylǵan ákimshilik sotynyń sheshimimen zań buzýshy jaýapqa tartyldy. Oǵan 20 AEK mólsherinde aıyppul salyndy.
«Turǵyndardyń destrýktıvti dinı aǵymdardy ustanýshylar qataryna qosylyp ketýin boldyrmaý úshin mamandar aldyn alý jumysyn júrgizedi. Qazirgi ýaqytta jańa ustanýshylardy óz qataryna tartý negizinen messendjerler men áleýmettik jeliler arqyly júzege asyrylady. Aǵymǵa tartýshy adam saqtyqpen áreket etedi. Deı turǵanmen, jyl basynan SQO aýmaǵynda din salasynda 13 quqyq buzýshylyq anyqtaldy. 8 quqyq buzýshy ákimshilik jaýapkershilikke tartyldy, qalǵandaryna dintaný saraptamalary taǵaıyndaldy», - dedi SQO Polıtsııa departamenti bastyǵynyń orynbasary Rýslan Nazarov.
