Petropavl turǵyny basyn qaterge tigip qylmyskerler mingen kólikti ustap bergen
Soltústik Qazaqsan oblystyq ІІD baspasóz qyzmetiniń aqparaty boıynsha, departament bastyǵy Berik Bilálov qylmyskerlerdi ustaý kezinde batyldyq tanytqany úshin Roman Kırıkeni marapattady. Byltyr jazda Petropavl turǵyny oblystyq balalar aýrýhanasynyń aldyndaǵy atystyń kýágeri bolǵan.
«Qylmyskerlerdiń kólikke otyrǵandaryn baıqaǵan ol óziniń avtomobılimen olardyń izderimen júrip otyrǵan. «102» nómirine habarlasyp, oqıǵanyń mán-jaıyn baıandaıdy. Keıin polıtsııa qyzmetkerlerine qaskúnemder ustalǵanǵa deıin, kóliktiń qaı baǵytta júrip bara jatqanyn aıtyp otyrǵan», - dedi baspasóz qyzmetinde.
«Únemi kómektesýge daıyn turatyn batyl adamdar kóbeıse ıgi edi. Ol basyn qaterge tigip, quqyq qorǵaý organdaryna kómektesti», - dep atap ótti oblystyq ІІD bastyǵy Berik Bilálov.
R.Kırıke óziniń bul áreketin erlik dep eseptemeıdi. Onyń ornynda árbir adamnyń osylaı jasaıtynyna senimdi.
Eske salaıyq, 2017 jyly 28 shildede tańǵy saǵat 4-te Petropavldaǵy túngi klýbtyń mańynda jastar tóbelesken. Kelesi kúni olar kıkiljińdi oblystyq balalar aýrýhanasynyń aldynda jalǵastyrǵan. Sonyń saldarynan atysqa qatysýshylardyń biriniń aıaǵyna bytyra tıip, aıaǵynan aıyryldy. Buzaqylar qaıǵyly jaı bolǵan jerden qashyp ketken. Atys jeke úıde ornatylǵan baqylaý kamerasyna túsip qalady. Polıtsııa qyzmetkerleri qylmyskerlerdi ustap, pnevmatıkalyq tapansha men eki sholaq myltyqty tárkiledi. Kólikte úsh adam, sonyń biri kámeletke tolmaǵan jasóspirim bolǵan. Ekeýi keıinirek ustaldy. Іs jabyq rejimde qaraldy.
Úkim qylmystyq ister boıynsha mamandandyrylǵan aýdanaralyq sotynda sáýir aıynyń sońynda shyǵaryldy.
