Petropavl turǵyny áıelder kolonııasynyń mańyna esirtki jasyrǵan
Soltústik Qazaqstan oblysy boıynsha Qylmystyq atqarý júıesi departamenti baspasóz qyzmetiniń málimetinshe, ES-164/6 mekemesiniń, ıaǵnı áıelder kolonııasynyń qyzmetkerleri mekeme mańynda júrgen Petropavl turǵynyn ustaǵan. Mán-jaıdy anyqtaý barysynda er adam kúdik týdyrǵan. Jedel-tergeý tobynyń qyzmetkerleri ony tekserip, nátıjesinde esirtkige uqsas zat salynǵan 10 túıinshekti tapty.
Mekeme qyzmetkerleri kolonııa mańaıyn qosymsha tekserip, esirtki zaty salynǵan taǵy bir túıinshekti tapty.
«Ustalǵan azamattyń turǵylyqty jeri tekserilip, úıinen 84 gr krıstaldy zat jáne 17 túıinshek sıntetıkalyq zat tabylyp, tárkilendi. Jedel-izdestirý is-sharalaryn júrgizý barysynda kúdiktiniń Almaty oblysynyń týmasy ekendigi jáne esirtki zattaryn shartty jerge tyǵyp taratýmen aınalysatyndyǵy anyqtaldy», - deıdi SQO boıynsha QAJD bastyǵy Rýstan Ahmetjanov.
Ustalǵan er adamǵa qatysty 297-baptyń 1-bóligi boıynsha qylmystyq is qozǵaldy. Endi ol 10 jylǵa deıin bas bostandyǵynan aıyrylýy múmkin. Tergeý amaldary júrgizilip jatyr.