Petropavl turǵyny 2 kg gashıshti saýdalap júrgen jerinen ustaldy
Soltústik Qazaqstan oblysy polıtsııa departamenti baspasóz qyzmetiniń málimetinshe, 2 qyrkúıek kúni polıtsııa qyzmetkerleri Petropavldaǵy Abaı kóshesinde esirtki satty degen kúdikpen 34 jastaǵy qala turǵynyn ustaǵan. Ol buryn múliktik qylmysy úshin sottalǵan eken.
Jedel is-shara barysynda er adamnan 2 kg gashısh alyndy. Atalǵan fakti «Esirtki quraldaryn, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý» baby boıynsha sotqa deıingi tergep-tekserýdiń biryńǵaı tizilimine engizildi.
«Sot-hımııalyq zertteý qorytyndysyna sáıkes tárkilengen zattyń jalpy salmaǵy - 1 keli 994 gramm gashısh. Bul esirtki jáne onyń balamasy men prekýrsorlarynyń jıyntyq kestesine sáıkes asa iri kólemge jatady. Sondaı-aq, kúdiktiniń kóligin tintý barysynda mashınadan 971 myń teńge aqsha tabyldy. Qazirgi ýaqytta ustalǵan adamǵa qatysty qamaýǵa alý túrindegi bultartpaý sharasy qoldanyldy», - deıdi SQO PD esirtki qylmysyna qarsy is-qımyl basqarmasynyń asa mańyzdy ister jónindegi aǵa jedel ýákili Rýslan Úmbetov.
Tártip saqshylarynyń aıtýynsha, qylmystyń bul túrine 15 jylǵa deıin bas bostandyǵynan aıyrý jazasy qarastyrylǵan.
Jyl basynan beri oblysta polıtseıler 139 esirtki qylmysyn anyqtady, onyń 35-i ótkizýge qatysty. 287 kg jýyq túrli esirtki zaty tárkilendi, onyń 4 kg-nan astamy sıntetıkalyq esirtki.
