Petropavl turǵyndaryna jylý berilip jatyr - TJM
NUR-SULTAN. QazAqparat – Petropavl qalasynyń turǵyndaryna jylý shattatyq rejımge saı berilip jatyr, dep habarlady búgin qalalyq Tótenshe jaǵdaılar departamentiniń baspasóz qyzmeti.
Osyǵan deıin SQO Tótenshe jaǵdaılar departamentiniń baspasóz qyzmeti saǵat 19-05 –te Metropavl qalasyndaǵy ıA.Gashek kóshesi 28 mekenjaıy boıynsha ornalasqan «SevKazEnergo» AQ-na qarasty jylý elektr ortalyǵynyń birinshi murjasy kúshti jeldiń saldarynan qulaǵany habarlandy. Osyǵan baılanysty ortalyqta 2 qazandyq jumys istep tur (barlyǵy 12 qazandyq, onyń 2-ýi jumys istep tur, 4-ýi toqtatyldy, taǵy 4-ýi aptty jaǵdaıda bolǵandyqtan jóndelip jatyr, taǵy 1-ýi josparly jóndeýde jáne 1-i jańartylý ústinde).
Baspasóz málimetterine qaraǵanda, qalada aýa temperatýrasy -8 0S, jeldiń ekpini sekýndyna 9-17 metr. Bul jaǵdaı jylýdyń talapqa saı berilýine keri áser etti. Mundaı temperatýra kezinde jylý jelisindegi temperatýra +75 gradýsqa teń bolýy kerek edi. Qazirgi tańda ol +45 gradýs bolyp tur. Degenmen qalany jylýmen qamtý shtattyq rejımde júrip jatyr.
«Sondaı-aq jarylys saldarynan zardap shekkender men mert bolǵandardy anyqtaý jumystary júrip jatyr jáne sý sorǵytylýda»,-delingen habarlamada.
Osyǵan deıin jarylys saldarynan 5 qazandyq isten shyqqanyn jáne osy oqıǵa boıynsha qylmystyq is qozǵalǵanyn jazǵan bolatynbyz.
