Petropavl turǵyndaryna metall plastık qubyrlardyń senimsiz ekendigi eskertildi
Kásiporynnyń qoǵammen baılanys bóliminiń basshysy mindetin atqarýshy Andreı Ageev atap ótkendeı, «Petropavlovskıe Teplovye Setı» JShS ókilderi tarapynan birneshe ret eskertýge qaramastan turǵyndar burynǵysha úıishilik jylytý júıesinde metall plastıkalyq trýbalardy qoldanýda. Al bul óz kezeginde jylýmen qamtamasyz etýdiń tómendeýine áser etip, densaýlyqqqa qaýip tóndiredi.
«Petropavlovskıe Teplovye Setı» JShS málimetine súıensek, birneshe kópqabatty turǵyn úıdiń metall plastıkterden jasalǵan jylytý qubyrlary zaqymdanǵan.
«Keltirilgen zalal otyz gradýstyq aıaz kezinde úılerdi jylýmen qamtamasyz etýdiń ýaqytsha toqtaýyna, sonymen qatar turǵyn úılerdi sý basýyna ákep soqtyrdy. Saldarynan turǵyn úıdiń qatyp qalǵan jylytý júıesin eritýge týre keldi. Mysaly, Koshýkov kóshesindegi 2-úıde 20 jylytý qubyry isten shyqty», - dep atap ótti «Petropavlovskıe Teplovye Setı» JShS-nyń bas ınjeneri Aleksandr Zaharıan.
Energetıkter tutynýshylar óz úılerine metall plastık qubyrdy ornatpas buryn, gıdravlıkalyq esepteý jobasyn júzege asyrýǵa mindetti ekendigin eskertedi. Uıym atap ótkendeı, pavlodarlyqtar kóp jaǵdaıda osy normany saqtamaıdy.
Metall plastık qubyrlar Petropavldaǵy úılerdiń 60%-ynda ornatylǵan.
