Petropavl turǵyndary sýǵa qaryzdan ósimpulsyz qutyla alady

PETROPAVL. QazAqparat – Petropavlda sýmen qamtýshy kompanııa tutynýshylar arasynda aktsııa ótkizip jatyr. Oǵan abonentterdiń qordalanǵan qaryzy sebep bolǵan. Bereshegi barlar 28 aqpanǵa deıin kommýnaldyq aqyny ósimpulsyz tóleı alady, dep habarlaıdy QazAqparat tilshisi.

«Qyzyljar Sý» JShS-niń aktsııasy «Qaryzdy ósimpulsyz jap» dep atalady. Osylaısha, sýmen qamtýshy kompanııa turǵyndarǵa qordalanǵan qaryzynan qutylýǵa múmkindik berip otyr. Al, jurttyń paıdalanǵan sý úshin bereshegi az emes – 31 mln 186 myń. Bul – 93 myńǵa jýyq abonenttiń qaryzy.

Aktsııa ótken jyldyń sońynda bastalǵan, osy aıdyń 28-i kúni aıaqtalmaq. Sondyqtan da, kásiporyn is-sharanyń talaptary jaıynda taǵy bir márte turǵyndardyń esine saldy.

«Ósimpulsyz qutylý úshin aktsııa aıasynda negizgi qaryzdy tolyq jabý kerek. Keıin, jınalǵan ósimpuldy esepten shyǵarý úshin «Qyzyljar Sý» JShS-ne kelip, ótinish jazý kerek», - delingen habarlamada.

Al, bereshek qaıtarylǵan jaǵdaıda, ol qarjy kásiporyndy jańǵyrtý jumystaryna jumsalmaq.

Buǵan deıin «Petropavl Sý» JShS qaryzdy qaıtarý úshin boryshkerlerge qatań jaza qoldanyp jatqanyn aıtqan edik. Máselen, petropavldyq otbasynyń tutynǵan sý úshin qaryzy 800 myń teńgege jetken. Kásiporyn mamandary onyń páterine kárizdik biteýish qoıyp ketti.