Petropavl turǵyndary qannyń quramyndaǵy qantty tegin teksere alady
PETROPAVL. QazAqparat - Soltústik Qazaqstan oblystyq qoǵamdyq densaýlyq saqtaý departamenti aýrýlardy saýyqtyrý boıynsha naýqan bastady, dep habarlaıdy «QazAqparat» HAA tilshisi.
Petropavldaǵy iri saýda úıleriniń birinde №1 qalalyq emhanasy men JITS-tiń aldyn alý jáne oǵan qarsy kúres jónindegi ortalyqtyń medıtsınalyq qyzmetkerleri arterııalyq qysymdy, qandaǵy qant pen holesterınniń deńgeıin tekserýdi, AIV-ǵa ekspress-test tapsyrýdy tegin usynyp jatyr.
«Negizinen onda eresek, qart adamdar kelip jatyr. Kóbiniń qan qysymy joǵary. Olardyń keıbiri tirkeýge turmaǵan. Biz olarǵa ýchaskelik terapevtke barýǵa keńes berdik. Insýlttiń alǵashqy belgileri, arterıalyq gıpertenzııanyń qaýpi týraly aıttyq», - dep atap ótti emhananyń SÓS feldsheri Elena Podorvanova.
Mundaı naýqandar óńirde byltyrdan beri turaqty túrde ótip turady.
