Petropavl turǵyny ınternet alaıaqtyqpen aınalysyp, 16 adamnyń atynan onlaın nesıe alǵan

PETROPAVL. KAZINFORM – Soltústik Qazaqstan oblysynda ınternet alaıaqtyq qylmysy kóbeıip, jyl basynan beri 513 fakti tirkeldi. Bul ótken jylmen salystyrǵanda 73 derekke kóp. 

SQO Polıtsııa departamenti krımınaldyq polıtsııa basqarmasynyń aǵa jedel ýákili Mırjan Mahmettiń aıtýynsha, mundaı qylmystardy ashyp, urlanǵan aqshany qaıtarý qıyn. Desek te sotqa deıin jetken ister bar. Máselen 28 jastaǵy petropavldyq oblys ortalyǵynyń turǵyndaryna onlaın kredıtter resimdeýmen aınalysqan, sotqa deıingi tergeý barysynda onyń osyndaı 16 epızodqa qatystylyǵy anyqtaldy. 

Almaty oblysynyń 32 jastaǵy turǵyny tanymal saıttarda páterlerdi jalǵa berý týraly habarlamalar ornalastyrǵan, onyń quryǵyna 14 adam túsken. 

«Polıtsııa departamenti halyqtyń qarjylyq saýattylyǵyn kóterýge erekshe mán beredi. Habarlama saıttarynda 1 425 habarlandyrý tekserilip, 274-i saıt ákimshiligimen buǵattaldy. EGOV Mobile, sondaı-aq EGOV saıtyndaǵy «6 aı merzimge banktik qaryzdar, mıkro nesıeler alýdan erikti túrde bas tartý» qosymshasyna oblys halqynyń 27%-y qosylǵan. Taldaý kórsetkendeı, ınternet alaıaqtardyń quryǵyna kóbine 40 jastan 60 jasqa deıin adamdar túsedi. Qylmyskerler kóbine olarǵa nesıe resimdegen», - deıdi Mırjan Mahmet. 

Mamannyń aıtýynsha, qylmystyń atalǵan túrine 4 jylǵa deıin aýyr sanattaǵy quqyq buzýshylyq jasaǵany úshin 3-ten 7 jylǵa deıin bas bostandyǵynan aıyrý jazasy qarastyrylǵan. 

«Internet alaıaqtardy ustap, halyq arasynda túsindirý jumysyn arttyrǵanymyzben qylmystyń bul túri bıyl 16%-ǵa ósti. Tanymal shemalar – qarjylyq jobalarǵa qatysýǵa shaqyrý, bank qyzmetkeri bolyp qońyraý shalý, uıaly baılanys operatorynyń ókili retinde telefon arqyly habarlasý», - deıdi polıtsııa qyzmetkeri.

Buǵan deıin ońtústikten SQO-ǵa qonys aýdarǵan jalǵyzilikti ana jaǵdaıynyń jasalmaı otyrǵanyna narazylyq bildirgenin jazǵan edik.