Petropavl turǵyny Facebook-te jala japqany úshin 20 táýlikke qamaldy

PETROPAVL. KAZINFORM - Petropavl qalasynyń ákimshilik mamandandyrylǵan soty kórineý jalǵan aqparat taratqan Petropavl turǵynynyń isin qarady.

Soltústik Qazaqstan oblystyq sotynyń málimetinshe, osy jyldyń 4 qańtarynda K. esimdi adam Facebook áleýmettik jelisin paıdalana otyryp, óziniń jeke paraqshasynda ishki ister organdarynyń qaıtys bolǵan burynǵy qyzmetkeri, qylmystyq-atqarý júıesiniń zeınetkeri B-nyń abyroıyna nuqsan keltiretin kórineý jalǵan aqparat taratyp, jazba qaldyrady.

Tergeý barysynda K-nyń taratqan aqparaty negizsiz jáne dálelsiz ekeni anyqtaldy.

B-nyń atynan sotqa berýshi K-nyń jala jaýyp otyrǵanyn dáleldeıtin dáleldemelerdi, atap aıtqanda SQO polıtsııa departamenti qaýipsizdik qyzmeti basqarmasynan, SQO qylmystyq-atqarý júıesi departamentinen B-ǵa qatysty K-nyń atynan aryz-shaǵymnyń bolmaýyna baılanysty eshqandaı qyzmettik tergeý júrgizilmegendigi týraly anyqtamalardy usyndy.

Ákimshilik quqyq buzý týraly kodekstiń 73-3-babynyń 2-bóliginiń sanktsııasymen 80 AEK mólsherinde ákimshilik aıyppul salý nemese 20 táýlikke ákimshilik qamaqqa alý kózdelgen.

Sot qaýlysymen K. 20 táýlikke qamaqqa alyndy.

Sot qaýlysy zańdy kúshine engen joq.