Petropavl turǵyny bóget ishinde qalyp qoıǵan sýdan tez qutylý ádisin oılap tapty
PETROPAVL. KAZINFORM – Petropavl turǵyny Tileýbergen Baıazıtov tasqyn sýmen kúrestiń ózindik jolyn usynyp otyr. Onyń ádisin qoldaný arqyly kólden elektr qýatyn da alýǵa bolady.
Tileýbergen Baıazıtovtyń usynyp otyrǵan ádisi – fızıkaǵa, sonyń ishinde gravıtatsııa zańyna negizdelgen. Іske asyrýǵa kóp qarajatty qajet etpeıdi.
«Meniń usynyp otyrǵan ádisim qazirgi ýaqytta ózekti. Sý tasqynynyń aldynda, máselen qala mańyna bógetter salynǵanymen sý onyń ústinen ótip ketip, qanshama úı sý astynda qaldy. Qazir ol sý keıin ketedi, biraq bógetten óte almaı, sý qazanshuńqyrda qalǵandaı bolady. Mine sol kezde meniń ádisimdi qoldanýǵa bolady. Ol úshin dıametri shamamen 50 sm, biraq, neǵurlym úlken bolsa, soǵurlym tez ketedi, qubyr kerek. Onyń bir basyn sorylýy tıis sýǵa salyp, bógettiń boıymen júrgizip otyryp, ar jaǵyna ekinshi basyn shyǵaramyz. Keıin eki basyn ýaqytsha bitep, ústinen tesip, qubyrdyń ishin sýǵa toltyramyz. Ony keıin durystap bekitip, eki qubyrdyń basyn bir mezette ashqanda jańaǵy sorylýy tıis sýymyz gúrildep kelesi betke aǵa jóneledi», - deıdi Tileýbergen Baıazıtov.
Bul ádisti er adam áskerde júrgende qoldanyp kórgen. Áskerı bólim sýǵa kete jazdaǵanda sarbazdar bir tún ishinde qubyrlardan qajetti qondyrǵyny jasap, sýdyń arnasyn buryp jibergen. Sodan beri 50 jyldan astam ýaqyt ótken. Bir-eki ret osy ádisti qoldanysqa engizýdi usynǵanymen, estir qulaq bolmaǵan.
Tileýbergen Baıazıtov M.Qozybaev – atyndaǵy Soltústik Qazaqstan ýnıversıtetiniń oqytýshysy, aýyl sharýashylyǵy ǵylymdarynyń kandıdaty. Bolashaq veterınarlardy daıarlaýǵa at salysyp júr. Aıtýynsha, kópshilik veterınarııa ilimin tar beıindi sala dep uǵady. Alaıda ol basqa ǵylymdarmen sabaqtasyp jatyr.
«Sen veterınarsyń, fızıka týraly qalaı aıtasyń deıdi maǵan kópshilik. Bul – qate uǵym. Jaqsy veterınar maman bolý úshin tek fızıka ǵana emes, ekonomıka, qurylys, matematıka, genetıka, bıologııa, medıtsına, taǵy basqa ilimderden habaryń bolýy kerek. Zaman talaby da sondaı. Al jańaǵy ádiske keler bolsaq, ony kólderde qoldanyp, elektr qýatyn óndirýge bolady. ıAǵnı jasyl energetıka. Ol úshin tek týrbına qoıý qajet. Men budan paıda kóreıin dep otyrǵan joqpyn, sondyqtan patent de almadym. Maqsatym – qoldanysqa ense, halyqqa paıdasy tıse», - deıdi Tileýbergen Baıazıtov.
