Petropavl trotýarlaryna eskertý belgileri qoıylýda
PETROPAVL. QazAqparat - Soltústikqazaqstandyq polıtseıler trotýarlarda «Balany qolynan ustańyz» jazýy bar belgiler qoıyp jatyr, dep habarlaıdy QazAqparat tilshisi.
SQO ІІD baspasóz qyzmetiniń aqparaty boıynsha, jergilikti polıtsııa qyzmetiniń qyzmetkerleri memlekettik jáne orys tilderinde «Balany qolynan ustańyz» trafaretterin jasady.
Jazbany jaıaý júrginshiler jolaǵynyń aldyna asfaltke jazýda.
«Jazǵy demalys aldynda polıtseılerdiń osy bastamasy adamdarǵa óz kómgeni tıgizedi dep senemiz. Jol eń kishkentaı qatelikti de keshirmeıdi. Sondaı-aq, mektepter jol qozǵalysynyń qaýipsizdigi taqyrybynda dárister, vıktorınalar jáne konkýrstar ótip jatyr», - dep habarlady baspasóz qyzmetinen.
Profılaktıkalyq jumysqa balalar da atsalysýda. №8 qalalyq orta mektepte jol qozǵalysynyń jas ınspektorlary bar. Jas ınspektorlar polıtseılermen birge kóshege shyǵyp jatyr. Balalar júrgizýshilerge nusqaýlyqtar men býkletter taratýda.
Polıtseılerdiń aıtýynsha, mundaı profılaktıka júrgizýshilerge erekshe áser etip jatyr.
