Petropavl tóńiregi «Venetsııaǵa» aınalýda
PETROPAVL. QazAqparat - Petropavl qalasynyń mańyndaǵy turǵyndar áleýmettik jelilerde joldaǵy erigen qar sýlarynan jınalǵan kólshikterge shaǵymdanýda, dep habarlaıdy «QazAqparat» HAA tilshisi.
«Venetsııaǵa» aınalǵan kóshelerdiń sýretteri túrli áleýmettik jelilerde tarap ketti.
«Qazir búkil Petropavl úlken muhıtqa nemese batpaqqa aınalady... osyndaı kóktemge úırenýge týra kelýde», - dep jazdy qoldanýshylardyń biri.
Kúni keshe Soltústik Qazaqstan oblysynyń ákimi Qumar Aqsaqalov aptanyń sońyna deıin qaladaǵy barlyq erigen qar sýlaryn tazartýdy tapsyrǵan edi. Ázirge ashyq sýaǵarlardyń 25%-y qoqystar men balshyqtan tazartyldy. SQO TJD bastyǵy Pavel Fılıppov qar tez erigen jaǵdaıda kóshelerdi sý basatynyn eskertken edi. Qala basshysy Marat Tasmaǵanbetov qoldan kelgenniń barlyǵyn jasap jatqanyn, tipti Ekaterınbýrgten arnaıy mashına jaldaǵanyn aıtyp, sendirdi.
Oblysta sý tasqyny sáýir aıynyń basynda bastalady. Bıylǵy jyly SQO-daǵy qar qursaýynyń bıiktigi men keıbir aýdandardaǵy topyraqtyń ylǵaldylyǵy ortasha deńgeıden áldeqaıda joǵary.
