Petropavl temirjol vokzalyna eskalatorlar qoıylady
ASTANA. QazAqparat - Soltústik Qazaqstan oblysyna jumys saparymen Oral temir jolynyń basshysy Vıktor Popov keldi. Oblys ákimi Qumar Aqsaqalov reseılik meımanmen kezdesip, temir jol salasynyń damý bolashaǵyn talqylady, dep habarlaıdy QazAqparat ákimdiktiń saıtyna silteme jasap.
Kezdesýdegi talqylanǵan basty taqyryp - temir jol vokzalyn qaıta jańǵyrtý. 2018 jyly ǵımarattyń shatyryn jóndeý aıaqtalady. Vokzaldyń qasbeti, foıe men kútý zaly da jóndeledi. Eń bastysy eskalatordy qoıý jumystary bastalady. Eski baspaldaqtar zaman talabyna saı emes. Onymen kóterilý qıyn. Ásirese, qarııalar men múgedekterge óte aýyr. Eskalator osy máseleni sheshedi.
«Bizge turǵyndarǵa sapaly qyzmet kórsetý óte mańyzdy. Qazir vokzaldy qaıta qalpyna keltirý jumystary júrip jatyr. Onda eskalatorlar qoıý kerek. Shynymen de úshinshi qabatqa sómkelermen kóterilý óte qıyn», - dedi Qumar Aqsaqalov.
«Vokzal keńes odaǵy kezinde salyndy. Qazir ony jóndeý kerek. Buǵan aqsha bólindi, 2018-2019 jyldary bul jumysty júrgizemiz. Siz aıtqandaı, eskalatorlar qoıamyz», - dedi Vıktor Popov.
Jergilikti bılik vokzal mańyn qalypqa keltiredi. Kógaldandyrý men abattandyrýǵa kóp kóńil bólinedi. Avtobýs aıaldamalary vokzalǵa qaraı kóshiriledi. Zańsyz tasymaldaýshylar men taksıshilerge qyzmet kórsetýge tyıym salynady.
Kezdesý sońynda Petropavl qalasynyń ákimdigi men Ońtústik-Oral temir joly Petropavl bólimshesi arasynda memorandým jasaldy.
