Petropavl temir jol stansysynda jolaýshylardyń uıaly telefondaryn urlaýmen aınalysyp júrgen ury ustaldy
ASTANA. 10 qarasha. QazAqparat - Petropavl stansysynyń jelilik ishki ister bóliminiń qyzmetkerleri jolaýshylardyń uıaly telefonyn urlaýmen aınalysyp júrgen uryny quryqtady,
dep habarlaıdy Іshki ister mınıstrliginiń Kóliktegi ishki ister departamentiniń baspasóz qyzmeti.
Baspasóz málimetteri boıynsha, 9 qarasha kúni Petropavl stansysynyń jelilik ishki ister bólimine 19 jasar boıjetken temirjol vokzalynyń kútý zalynda belgisiz bireý «Nokia-6270» uıaly telefonyn urlap ketkendigin aıtyp shaǵymdanǵan. Osyǵan baılanysty temirjol vokzalynyń aýmaǵynan uryny izdeý jóninde jedel sheshim qabyldanyp, tártip saqshylary jedel-izdestirý sharasyn bastaıdy.
Shara barysynda polıtseılerge avtovokzaldyń mańynda júrgen jas jigittiń sýyt júrisi kúmán týdyrady. Teksere kelgende ol Soltústik Qazaqstan oblysy Sergeev qalasynyń 25 jasar jumyssyz turǵyny bolyp shyqty. Tekserý barysynda odan urlanǵan zattar tabylyp, qazirgi ýaqytta quqyq qorǵaý organdary qosymsha tekserý jumystaryn júrgizýde.
