Petropavl sý qoımasynda sý deńgeıi kóterildi
PETROPAVL. QazAqparat – Soltústik Qazaqstan oblysynda Esil ózeniniń sýy molaıyp, Dolmatovo eldi mekeniniń mańynda bir táýlikte 113 sm deıin kóterildi, dep habarlaıdy QazAqparat tilshisi.
«Qazgıdromet» RMK SQO fılıalynyń málimetinshe, Sergeev sý qoımasynda sý deńgeıi turaqty túrde tómendese, Petropavl bógeninde, kerisinshe kóterilip keledi. Bir táýlikte kórsetkish 54 sm joǵarylap, 731 sm deıin jetti.
Jalpy Esil ózeniniń sý deńgeıi Sergeevka qalasynan tómen qaraı turaqty túrde kóterilip keledi. Bir táýlikte maksımaldy kórsetkish ( –113 sm) Qyzyljar aýdany Dolmatovo eldi mekeni mańynda tirkeldi. Petropavl mańynda 50 sm, Pokrovka aýylynyń janynda 42 sm, Novonıkolskoe eldi mekeni mańynda 33 sm kóterilgen.
Oblystyń shaǵyn ózenderinde sý deńgeıi túsip jatyr. ıAǵnı, olardan keler qaýip joq. Bir táýliktiń ishinde 4-109 sm-ge deıin tómendegen.
20 sáýir kúni oblysta eskertý jarııalandy, birer kúnde Esil ózeni tasyp, arnasynan asýy yqtımal.
Al Úlken Torańǵul kólinde jaǵdaı ázirge turaqty. Bir táýlikte kól sýy 1 sm-ge ǵana kóterilgen.
